نە سەوزایی لە دیدەمدا
وەکوو جاران گەش و ڕووناک
نە، هەنگاوم پەلەی ماوە
بەرەو هەر ژوانگەیەک بێباک.

ئەمن تەنها لە حزوورتا،
دەزانم:
شۆرشەکان سەردەکەون،
تفەنگەکان لاڵ دەکەون،
ئێمەمانان ئازاد دەبن،
برسییەکان سکتێر دەبن

له‌زستانه‌ وه‌رزێکا بوو،
هه‌موو به‌ یه‌کده‌نگ هاتین و
خۆمان دایه‌ به‌رتنۆکه‌ی
بارانێکی ڕه‌نگ هه‌ناری
تا پاییزی دوێنێمان
بۆ بشواته‌وه

پێی بڵێ دەم زانی هەر ئەوکات کە ڕیشەی لەگەڵ خاک هاتووە و، بە ڕیشەی خاکەوە من وئەو بیرێک دەمان گرێ.
کە بینیت بیناسە:
ئەو ڕەنگی لە ڕەنگی گەڵایەکی سەوز و،
بۆنی وەک شلکە ڕیحانە و،
قژی نەرمی ماش و برنجی و،
دەستی ئاوریشمی و،
خاڵێک لەسەر ڕووی ئەو،
بەژنی وەک ڕۆژ درێژە،

پێی بڵێ دەربەستی وەش نەبێ کە بۆنی خاکوخۆڵ لە جلوبەرگی دێ. ئەو بۆنە، نیشانەی ئەوەیە کە ڕیشەی بە خاکدا ڕۆچووە. مرۆڤی بێ ڕیشە، با دەیبا.

کە دیتت ماچی کە. پێی بڵێ وەڵڵاهی بە قەدەر دنیایەک، من بیرم کردووە.

ئه‌و مافووره‌ حه‌وت ڕه‌نگه‌ که‌ پێشێلى سه‌ماى تۆیه‌،
به‌ خوێن و ژینى ئینسانان ڕه‌نگ کراوه‌.
له‌ تان و پۆى هه‌موو خه‌ت و خاڵێکیدا: هه‌زار ڕه‌نج و
له‌ ئاو و ڕه‌نگى هه‌ر گوڵ و گه‌ڵایه‌کیا: هه‌زار شه‌رم
ڕاخراوه‌.

ئەی میهرەبانم
دەستم بخە سەر چاوی چرا و
رێگای گەرانەوەی رووناکیی
پێ بخوێنه‌وه

خەو بە دووگیانبوونی خۆمەوە
دەمگرێ،
بە سەوز بوونەوە
لە باخەڵی فێنکی تۆدا،
بە بۆنی ئاو .

گوڵە پاییزە! ئەرێ
کوای؟ دە مەڕۆ! بۆ کوێ چووی؟
داخەکەم، ڕۆیی؟ لە گەڵ با کەوتووی؟

ئەرێ _نەتگوت_ لە چ جێ
دەنگ و هەرایەک ماوە؟
خۆڵەمێشێکی بەتین ماوە ئەرێ لەو ناوە؟

ئێستا کە باسەکە هاتووەتە گۆڕ، چاوەڕوانی لێتان ئەوەیە وەک حیزبێکی بەدەربەست و وەڵامدەرەوە بکەونە دیالۆگ لە گەڵ ئەو کەسانەی دەیانهەوێ لە گەڵتان بدوێن. ئەو وەدەنگ هاتنەی ڕووناکبیران و چالاکانی سیاسی و مەدەنی، ئەگەر لە خۆتانی تێک نەدەن دەرفەتێکی گەورەیە بۆ حیزبەکەتان کە دیالۆگیان لە گەڵ بکەن، متمانەیان بەدەست بێنن و نیشان بدەن کە ڕێز دادەنێن بۆ بەشدارییان لە باسێکی وا گرینگدا.