بێده‌نگ مه‌به‌ له‌ ڕێى خوا
پێش ئه‌وه‌ى که‌ له‌ فرمێسکا نوقم ببم
له‌ باسى عیشق
شتێک بڵێ!

له‌و به‌ر خێڵى نابه‌کاران ڕاوه‌ستاون
(ته‌ڕده‌ستانى پیشه‌ى ”قوڵبه‌سته‌ بۆ قه‌سابخانه‌ بردن“)
له‌م به‌ره‌وه‌ش دلێرانى ده‌ریا دڵ هه‌ن
(شاره‌زایانى سه‌نعه‌تى ”جوان مردن“)
...

من هاوده‌ستى جه‌ماوه‌رم
تا ئه‌و کاته‌ى پیلان ده‌کا بۆ پچڕینى زنجیره‌کان.
تا ئه‌و کاته‌ى له‌ ژێر لێوى پێده‌که‌نێ

ئه‌حمه‌دی شاملوو، ئه‌م شیعره‌ی ساڵی 1955 بۆ "سیاوه‌شی بچکۆله‌" وتبوو. سیاوه‌ش که‌ ئه‌مڕۆ 18/5/2009 له‌ ته‌مه‌نی 61 ساڵیدا ماڵاوایی له‌ ژیان کرد، ئه‌وکات ته‌مه‌نی 8 ساڵ بوو. شیعره‌که‌ به‌ یادی "مورته‌زا که‌یوان" گوتراوه‌ و تێیدا شاملوو به‌ کوڕه‌که‌ی ده‌ڵێ مورته‌زا له‌سه‌ر چی کوژرا. مورته‌زا که‌یوان، شاعیر و نووسه‌ر و چالاکی سیاسی بوو.

گه‌وره‌کچانی خه‌یاڵی ڕه‌شماڵی نوێ
له‌ ڕه‌شماڵی سه‌دساڵه‌دا!
ئه‌گه‌ر بێت و له‌ توێی زرێی به‌رگی به‌رتان هه‌ڵپشکوێن
بای سه‌رشێت
یاڵی خاوی ئه‌سپی نیاز
له‌ ملانی ده‌ئاڵۆزێ

له‌ ده‌سته ‌گه‌رمه‌کانی تۆ
که‌ منداڵی ئاوه‌ڵدوانه‌ی نێو باوه‌شمن
چیها قسه‌م پێیه‌ بیکه‌م
ئه‌گه‌ر غه‌می نان لێم گه‌ڕێ

ڕۆژێک ئێمه‌ دیسانه‌وه‌ ده‌گه‌ینه‌وه‌ کۆتره‌کانمان
میهره‌بانی دێت و ده‌ستی جوانی ده‌گرێ.

دێن بۆن به ‌ده‌مته‌وه‌ ده‌که‌ن
نه‌کا ڕۆژێک وتبێتت خۆشم ده‌وێی.
دێن بۆن به ‌دڵته‌وه ‌ده‌که‌ن
ڕۆژگارێکی سه‌یره‌ گوڵم

لێوه‌کانت شیعرى ناسک
هه‌موو گه‌رمه‌ماچێکى جێژوان
ده‌که‌نه‌ شه‌رمێکى وه‌ها
که‌ گیاندارى نێو‌ ئه‌شکه‌وتان
بیچێژن پێى ده‌بنه‌ ئینسان.

هێنده‌ په‌ڕۆى نه‌زر و نیازم لێ مه‌به‌سته‌
که ‌وشکم که‌ى له‌ شه‌رمى بێتوانایى خۆم
من دره‌ختى موعجیزه‌ نیم ...